İbrahimov Əlibaba Eynulla oğlu – 1972-ci ildə Göyçənin Zərkənd kəndində dünyaya gəlib. 1988- ci il hadisələri zamanı ailəsi ilə birlikdə Kəlbəcər rayonunda məskunlaşıb. 1989-cu ildə Kəlbəcər rayonundakı 1№-li orta məktəbi bitirib. Moskva yaxınlığında hərbi xidmət keçib, sonra hərbi xidmətini yarımçıq qoyaraq Azərbaycana qayıdıb və Qarabağ müharibəsində iştirak edib. 1992-ci ilin yanvarında Gəncə Milis batlyonunda 3 ay təlim keçəndən sonra bölmə komandiri təyin olunub. Onun bölməsinə Ağdərə rayonunun Aterk kəndinə kömək etmək tapşırılıb. Hərbi əmrə tabe olan Əlibaba İbrahimov Aterkə gedən yolda bütün heyətlə mühasirəyə düşüb, özü də, döyüşçü dostları da həlak olublar.
Əlibaba İbrahimov Bakı şəhərindəki Şəhidlər
xiyabanında dəfn edilib.
