HƏBİB SƏMƏDOV

Səmədov Həbib Yusif
oğlu 1932-ci ildə Basarkeçər
rayonunun Zərkənd kəndində anadan olmuşdur.Kənddə
orta təhsil aldıqdan sonra
Bakıda ali təhsil almışdır.
Əmək fəaliyyətinə Zərkənd
kənd orta məktəbində müəllimliklə başlamışdır. O sıravi
müəllimlikdən məktəb direktoru kimi yüksək bir
vəzifəyə ucalmışdır. Çox gözəl pedaqoq və təşkilatçı
idi. Kənd orta məktəbində o işlədiyi dövrdə şagirdlərin
təhsillənməsinə çox fikir verərdi. Kənd orta məktəbini
bitirənlərin 90 faizdən çoxu ali məktəblərə qəbul olardılar. Demək olar ki, hal-hazırda respublikanın müxtəlif
sahələrində çalışan təhsilli kadrların əksəriyyəti onun
yetişdirmələridirlər. O, çox işgüzar və vəzifəsinə məsuliyyətlə yanaşan bir şəxs idi. 1988-ci ildə məlum
hadisələrlə əlaqadar Bakı şəhərində məskunlaşdı və
ordada pedaqoji fəaliyyətini davam etdirdi. Bakı şəhərində orta məktəblərdən birində müəllim işlədi. Sonralar
çox təəssüf ki, səhhəti pisləşdi və bir neçə ildən sonra
2011-ci ildə dünyasını dəyişdi.
Yadda qalan xatirələr
– 426 –
HƏBİB MÜƏLLİM
Mərifətdə tayın yoxdur dünyada,
Təksən bu dünyada Həbibim mənim.
Hal bilən, dərd qanan çoxdu dünyada,
Bir dürsən dəryada, Həbibim mənim.
Dillənən könülümün incə simidi,
Hər sözün bizlərə türfə kimidi,
Qəlbin dosta açıq, süfrə kimidi,
Sir verməzsən yada, Həbibim mənim.
Sən tək etibarlı hardadı harda?!
İmdad diləyəni qoymazsan darda,
Mərifətdən söhbət olan diyarda,
Tez düşərsən yada, Həbibim mənim.
Dost yolunda başı fəda edərsən,
Laçın kimi düşmən bağrı didərsən.
Simurqun tək lələk salıb gedərsən,
Yetişərsən dada, Həbibim mənim.
İsmixan müntəzir gəlsin karına,
Başım armağandır ixtiyarına,
Üzlərim payəndaz ayaqlarına,
Layiqsən bu ada, Həbibim mənim.
İsmixan Didərgin